«Nomad» Qurlyqtyq kýbok oıyndarynyń jeńimpazy atandy

<p>Qazaqstandyq &laquo;Nomad&raquo; komandasy shaıbaly hokkeıden Qurlyqtyq kýbok oıyndarynyń jeńimpazy atandy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Elordalyq komanda búgin Polshanyń «Katovıtse» komandasymen kezdesti.

Qazaqstandyq komandanyń bas bapkeri Fedor Polışýk «Nomadtyń» quramyn jarııalady.

Qaqpashylar: Ámirbekov (Boıarkın); Oıynshylar: Boıko-Borısevıch-Rahmanov, Gaıtamırov-Býtenko; Mýsorov-Shýlga-Gatııatov, Dıhanbek-Korolev; Aleksandrov-Gýseınov-Tsybın, Nıkıtın-Tsarev; Qaıyrjan-Mańǵysbaev-Qasenov, Keńesbaı.

Kezdesý barysynda komandalar tartysty oıyn ótkizdi. Birinshi kezeńde esep ashylǵan joq.

Ekinshi kezeńde «Katovıtse» oıynshysy Raıan Kýk 35-mınýtta esep ashyp ketti. Odan keıin «Nomad» sapynan Maksım Mýsorov 37-mınýtta tarazy basyn teńestirdi.

Úshinshi kezeńde Oleg Boıko 41, Alan Gatııagov 53-mınýtta elordalyq klýbtyń basymdyǵyn arttyra tústi.

Osylaısha «Nomad» qarsylasyn 3:1 esebimen tize búktirip, Qurlyqtyq kýbok oıyndarynyń jeńimpazy atandy.

Aıta ketsek, alǵashqy eki oıynda elordalyq klýb jeńiske jetti. Aldymen «Hernıng Blıý Foks» (Danııa) klýbynan 5:2 esebimen basym tússe, odan keıin Ýelstiń «Kardıff Devılz» klýbyn 7:2 esebimen súrindirdi.

Qurlyqtyq kýbok Halyqaralyq shaıbaly hokkeı federatsııasy aıasynda 1997 jyldan beri turaqty túrde ótkizilip keledi. Qazirge deıin elimizdiń atynan qatysqan Kókshetaýdyń «Arlan» komandasy 2018/2019 jylǵy týrnırde bas júldeni jeńip aldy.

Ár jyldarda «Beıbarys» (Atyraý), «Saryarqa» (Qaraǵandy), «Nomad» (Astana) ekinshi orynǵa jaıǵassa, «Qaztsınk-Torpedo» (Óskemen) qola júldeger atanǵan edi.