Nokdaýn jáne nokaýt: Aıdos Medet Almatydaǵy keshte jeńiske jetti

ALMATY. QazAqparat – Qazaqstandyq kásipqoı boksshy Aıdos Medet (5-0, 3 KO) Almatyda ótken boks keshinde qarsylasyn nokaýtqa jiberdi, dep habarlaıdy QazAqparat Sports.kz saıtyna silteme jasap.

20 jastaǵy qazaqstandyqtyń opponenti ózinen eki jas úlken ýkraınalyq Pavel Trıpýten (2-7-1) boldy.

Jartylaı jeńil salmaqtaǵy jekpe-jek 6 raýndqa eseptelgen bolatyn. Alaıda ol ekinshi raýndta aıaqtaldy. Aıdos qarsylasyn aldymen nokdaýnǵa, keıinnen nokaýtqa jiberdi.

Osylaısha, A.Medet profı-rıngtegi altynshy jeńisine qol jetkizdi. Al P.Trıpýten segizinshi ret jeńilis tapty.

Aıta keteıik, Aıdos áýesqoı boksta kadetter arasynda Qazaqstan chempıony bolǵan edi.