Nokaýtqa jiberdi: Saǵyndyq Toǵambaı Azıadanyń jartylaı fınalyna shyqty

<p>Qytaıdyń Hanjchoý qalasynda ótip jatqan Azııa oıyndarynda qazaqstandyq boksshy Saǵyndyq Toǵambaı jartylaı fınalǵa shyqty, dep habarlaıdy QazAqparat tilshisi.</p>

Qazaqstandyq boksshy 92 kelige deıingi salmaqta ırandyq Týfan Sharıfımen judyryqtasty.

Saǵyndyq qarsylasyn birinshi raýndta-aq uryp qulatyp, jartylaı fınalǵa joldama aldy. Osylaısha, ol qazirgi sáttegi nátıjesimen kem degende qola medal alady.

Búgin kúndizgi sessııada rıngke shyqqan eki bosshymyz jeńilip qaldy.

Eki dúrkin álem chempıony Nazym Qyzaıbaı 50 kelige deıingi salmaqta shırek fınalda kútpegen jerden mońǵolııalyq Esýgen Oıýýntsetsegke jol berdi. Sóıtip Nazym júldesiz qaldy.

Sondaı-aq, bıylǵy álem chempıony Nurbek Oralbaı 80 kelige deıingi salmaqta qytaılyq Toqtarbek Tańatqanǵa tóreshiler sheshimimen ese jiberdi – 2:3. Bıyl álem birinshiliginiń fınalynda Nurbek Toqtarbekti jeńgen edi.

Eske sala keteıik, budan buryn Azııa oıyndarynda búgin Qazaqstan quramasynan bes boksshy sharshy alańǵa shyǵatynyn jazǵan bolatynbyz.