Noǵaev Atyraýdyń aldaǵy jylytý maýsymyna daıyndyǵyn tekserdi
«Atyraý Jylý elektr ortalyǵy» AQ - Atyraý qalasyndaǵy basty elektr óndirýshi kásiporyn. Tek elektr jaryǵyn óndirip qana qoımaı, Atyraý halqyn jylýmen qamtamasyz etip keledi.
Іs-sapar barysynda Nurlan Noǵaev mekemedegi jumysshylardyń da eńbek jaǵdaıyna da nazar aýdardy. Atalǵan mekemede qazir 1 200-ge tarta jumysshy eńbek etip keledi. Olardyń ortasha jalaqysy 160 myń teńge. Qyzmetkerlerdiń arasynda kásiporynnyń jumysymen elý jyldan asa ýaqyt tanys, tájirıbeli mamandar da bar. Olar jumys júıesiniń jyldan-jylǵa avtomattandyrylyp, jańaryp kele jatqandyǵyn aıtady.
Sonymen qatar, komıssııa músheleri birqatar mańyzdy máselerdi talqylady. Sonyń biri Balyqshy yqsham aýdanyndaǵy jylý qazandyǵynyń jumysy. Qala ákimi Serik Shápkenovtiń málimetine súıensek, atalǵan yqsham aýdandaǵy qazandyqtyń jumysy ótken jylytý maýsymynda úlken qıyndyqtar týdyrǵan.
Komıssııa múshesi, qala ákimi Serik Shápkenov Balyqshy yqsham aýdanyn ortalyq jylý júıesine qosý jóninde úsh satydan turatyn joba jasaqtalyp jatqandyǵyn habarlady.
«Bul joba 2018-2019 jylǵy jylytý maýsymynda iske qosylady. Balyqshy yqsham aýdanyndaǵy jylý qazandyǵy jylytý pýnkti bolyp qaıta jańartylady. Ol jerge jylý júıesiniń barlyǵy «Atyraý Jylý elektr ortalyǵy» arqyly baratyn bolady», - dedi S.Shápkenov.