Nobel syılyǵynyń laýreattary dál 1 jyldan keıin elordada Búkilálemdik daǵdarysqa qarsy konferentsııa ótkizedi
Bul týraly búgin 5-shi Astana ekonomıkalyq forýmynyń jabylýynda Ǵalymdardyń eýrazııalyq ekonomıkalyq klýby tóraǵasynyń orynbasary Mıhaıl Fedorov málim etti.
«Ǵalymdardyń eýrazııalyq ekonomıkalyq klýby men Nobel syılyǵy laýreattary Astana klýbynyń teńquryltaıshylary ruqsat berdi. Meniń atap ótkenim durys, bul bastamaǵa QR Prezıdentiniń ákimshiligi qoldaý bildirdi. Sonymen qatar Astana qalasynyń alańynda ótetin Búkilálemdik daǵdarysqa qarsy konferentsııanyń 2013 jyldyń 24 mamyrda ótetindigi naqtylandy», - dedi ol.
Óz kezeginde Nobel syılyǵynyń laýreaty Robert Mandell Qazaqstannyń elordasynda, Astana ekonomıkalyq forýmynyń aıasynda mundaı konferentsııa ótkizý óte jaqsy ári oń ıdeıa ekendigin basa aıtty.
«Biz jahandyq problemalardy talqylaıtyn bolamyz. Shyndyǵynda, tipti úlken jıyrmalyqtyń múshesi de bolyp tabylmaıtyn eldiń mundaı bastama kóterýdegi ótkirligi, aqyldylyǵy qurmetke laıyq. Meniń oıymsha, Nobel syılyǵynyń laýreattary, meniń áriptesterim bul alqaly jıynǵa mindetti túrde keletin bolady», - dedi ol.