Nobel syılyǵynyń laýreaty Bangladeshtiń ýaqytsha úkimetin basqarýǵa kelisti

<p>ASTANA. KAZINFORM &mdash; Nobel syılyǵynyń laýreaty, professor Mýhammad ıÝnýs ýaqytsha úkimetti bas keńesshi retinde basqarýǵa kelisti, dep jazady <a href="https://www.thedailystar.net/news/bangladesh/news/dr-yunus-agreed-be-the-chief-adviser-interim-govt-3670611" target="_blank" rel="noopener">The Daily Star.</a></p>

Shilde aıynyń basynda Bangladeshtiń ártúrli qalalarynda stýdentterdiń narazylyq sherýleri ótti. Olar 1971 jyly Pákistannan shyqqan táýelsizdik soǵysy ardagerleriniń týystaryna memlekettik sektordaǵy jumys oryndarynyń úshten birin saqtaıtyn kvota júıesine qarsylyq bildirdi. Stýdentter júıeni kemsitýshilik dep atap, jumysqa qabyldaý árbir jeke úmitkerdiń biliktiligine negizdelýin talap etti.

Sherýler birte-birte jappaı tártipsizdikterge ulasty. The Daily Star basylymynyń habarlaýynsha, narazylyqtar bastalǵannan beri 10 myń adam qamaýǵa alynǵan.

4 tamyzda narazylyqtar Dakka men eldiń basqa qalalarynda jańa kúshpen bastaldy. 90-nan astam adam qaıtys boldy, onyń 13-i — polıtsııa qyzmetkeri. Dúısenbide myńdaǵan adam Ganobhabandaǵy Premer-Mınıstrdiń rezıdentsııasyna basyp kirdi. Qatysýshylar Bangladesh Premer-mınıstri Sheıh Hasınanyń otstavkaǵa ketýin talap etti. 5 tamyzda eldiń Premer-mınıstri otstavkaǵa ketip, elden qashyp shyqty. Keıinirek Sheıh Hasınanyń Ulybrıtanııadan saıası baspana suraǵany belgili boldy. Armııa shtabynyń bastyǵy Ýaqytsha úkimet qurý týraly málimdedi. El Parlamenti taratyldy.

Bangladeshtiń bas polıtsııa qaýymdastyǵy onyń músheleri ereýilge shyǵatynyn málimdedi. Málimdemege sáıkes, ol "árbir polıtsııa qyzmetkeriniń qaýipsizdigi qamtamasyz etilgenge deıin" jalǵasady. Bangladesh polıtsııa qyzmeti qaýymdastyǵy (BPS) búkil el boıynsha myńdaǵan polıtsııa qyzmetkerlerin usynady. Onyń aıtýynsha, dúısenbide Hasına otstavkaǵa shyǵyp, qashyp ketkennen keıin 450-den astam polıtsııa bólimshesine shabýyl jasaldy.

6 tamyz kúni tańerteń stýdentter qozǵalysynyń jetekshileri Nobel syılyǵynyń ıegeri Muhammed ıÝnýsty ýaqytsha úkimettiń bas keńesshisi retinde kórgisi keletinderin málimdedi.

Muhammed ıÝnýstyń aıtýynsha, ol stýdentter men Bangladesh azamattarynyń usynysynan bas tarta almaǵan.

Qazir Muhammed ıÝnýs Halyqaralyq Olımpıada komıtetiniń shaqyrýymen arnaıy qonaq retinde Parıjde júr. Stýdentter ol jaqynda bolǵan oqıǵalarǵa baılanysty elge oralady dep senedi.