NKOK jylyna 1.1 mln. tonna kúkirt óndirýdi josparlap otyr

ATYRAÝ. QazAqparat - Nort Kaspıan Opereıtıng Kompanıı B.V kompanııasy  Soltústik Kaspıı jobasyn júzege asyrý merziminde Qaashaǵan teńiz kesheninen jyl saıyn 1.1 mln. tonna kúkirt óndirýdi josparlap otyr, dep habarlaıdy «QazAqparat» HAA tilshisi.

«Bolashaqtaǵy»  daıyndalǵan orynda  4 mln tonnaǵa jýyq kúkirtti saqtaýǵa bolady. Kúkirt  tek ýaqytsha ǵana saqtalady. Joba  aktsıonerleri óndirilgen kúkirtti satý nıetinde.

«Kúkirt Batys Eskende qurylǵan arnaıy ınfraqurylymdy paıdalaný arqyly eksporttalady. Shamamen ortasha alǵanda  joba iske asyrylǵan merzim ishinde jylyna shamamen 1,1 mıllıon tonna kúkirt óndiriledi (kúnine 3 800 tonna kúkirt nemese 70 vagon). Saqtaý orny 4 mıllıon tonnaǵa deıin jınaýǵa múmkindik beredi,-dep habarlady QR Energetıka mınıstrliginiń baspasóz qyzmetinen.

Eske sala ketsek, Qashaǵan ken ornyn ıgerý jobasyna 55 mlrd. dollar ınvestıtsııa tartyldy. Qazaqstanda teńizdegi tuńǵysh ken ornynan munaı óndirý 2016 jyly kúzde qaıta jandandy.

Al 8 qańtarda alǵashqy mıllıon tonna munaı óndirildi.