Ninety One toby onlaın kontsert ótkizedi
«Kópshiliktiń suraýy boıynsha «Karantındegi juldyz» jobasy aıasynda Ninety One tobynyń onlaın kontserti ótedi. Súıikti ánderińiz oryndalatyn keremet keshti jiberip almańyzdar», - dep habarlandy toptyń resmı paraqshasynda .
Onlaın kontsert YouTube jelisinde búgin saǵat 21:00-de bastalady.
Aıta keteıik, QR Mádenıet jáne sport mınıstrligi eldegi tótenshe jaǵdaı kezeńinde birneshe onlaın-jobany júzege asyrýda. Olardyń arasynda óner súıer qaýymǵa arnalǵan «Karantındegi juldyz» jobasy bar. Kúnde keshke YouTube-arnasynyń tikeleı efırinde tanymal qazaqstandyq juldyzdardyń kontserti ótedi.
Buǵan deıin Jubanysh Jeksenuly, Jeńis Seıdollauly, Ǵadilbek Janaı, Sáken Maıǵazıev onlaın kontsert bergen bolatyn. 26 naýryz kúni keshke qazaqstandyqtardy óz ánderimen Roza Rymbaeva qýantty. Joba Mádenıet jáne sport mınıstrligi men «Qazaqtelekom» AQ qoldaýymen júzege asyrylýda.