Nıkolas Keıdjdiń ekinshi shapany qaıdan shyqty

ASTANA. QazAqparat - Áleýmettik jelide Astanaǵa kelip ketken Gollıvýd juldyzy Nıkolas Keıdjdiń taǵy bir shapandy kıip turǵan fotosy tarap júr.

Onyń janynda Qazaq ulttyq óner ýnıversıtetiniń rektory Aıman Musaqojaeva tur. Alaıda búgin ýnıversıtet basshysy akterge múldem basqa shapandy kıgizgen edi. Endi, bireýler aldyndaǵy sýretti fotoshop dese, basqalar memge aınaldyryp úlgerdi.









QazAqparat tilshisine suxbat bergen Aıman Qojabekqyzy ekinshi shapannyń qaıdan shyqqanyn aıtyp berdi.

"Men ózim oǵan jasyl shapandy syıǵa tarttym. Al kók shapandy keshe "Astana Opera" teatrynda mınıstr (QR Mádenıet jáne sport mınıstri Arystanbek Muxamedıuly) mártebeli meımannyń ıyǵyna japqan bolatyn", - deıdi Aıman Musaqojaeva.

Aıta keteıik , búgin Qazaq ulttyq óner ýnıversıtetinde de Nıkolas Keıdjben kezdesý ótti. Mártebeli meımanǵa dastarxan da jaıyldy. Sol jerde ýnıversıtet rektory Aıman Musaqojaeva Gollıvýd juldyzyna qazaqtyń dástúri boıynsha shapan japty. "Nıkolasqa qazaqtyń shapany óte unady. Túsi de, materıaly da jaqsy dedi. Tipti, onymen fılmge de túsýge bolatynyn jetkizdi", - dedi Aıman Qojabekqyzy QazAqparat tilshisine bergen suxbatynda.