Nıkol Pashınıan Armenııa premer-mınıstrligine úmitker retinde usynyldy

ASTANA. QazAqparat - «Elk» fraktsııasy resmı túrde Armenııa premer-mınıstrligine úmitker retinde usynǵan «Elk» blogynyń jetekshisi Nıkol Pashınıan kezekten tys parlament saılaýyn ótkizilý kerektigin málim etti, dep habarlaıdy QazAqparat Armenpress agenttigine silteme jasap.

«Tsarýkıan» fraktsııasymen kezdesýden keıin jýrnalısterge suhbat bergen Pashınıan kezekten tys parlament saılaýyn ótkizý merzimin talqylaý áli de jalǵasatynyn atap etti.

«Saılaýǵa deıin ashyq ári erkin saılaý ótkizýge barlyq jaǵdaı jasalǵanyna senimdi bolýymyz kerek. Bizge nátıjesine eshkim senimsizdik tanytpaıtyn saılaý qajet», - dedi Pashınıan.

«Tsarýkıan» fraktsııasymen kezdesý jaıynda ol onda eldegi ishki saıasattyń ahýaly jáne ony sheshý joldary talqylanǵanyn atap ótti. Pashınıannyń aıtýynsha, «Tsarýkıan» fraktsııasy onyń kandıdatýrasyn qoldaǵan.

Fraktsııasymen kezdesýden keıin Pashınıan Armenııanyń respýblıkalyq partııasy jáne «Dashnaktsýtıýn» armıan refolıýtsııalyq federatsııasy fraktsııalarymen kezdesedi.

Aıta keterligi, 30 sáýirde «Elk» fraktsııasy biraýyzdan Pashınıandy úkimet basshysyna úmitkerlikke usyndy. Qalǵan úsh fraktsııa óz úmitkerlerin usynýdan bas tartty. Al parlament saılaýy 1 mamyrǵa belgilengen.