Nıkol Pashınıan: Armenııa Ázerbaıjanmen beıbit kelisimge qol qoıýǵa daıyn

<p>ASTANA. KAZINFORM &ndash; Armenııa premer-mınıstri Nıkol Pashınıan kelisim jobasy negizinde Ázerbaıjanmen beıbit kelisimge qol qoıýǵa daıyn ekenin bildirdi. Ol bul týraly Erevan dıalogy halyqaralyq forýmynyń ashylýynda aıtty.</p>

«Aýdıtorııanyń qyzyǵýshylyǵyn týdyratyn máselege júgingim keledi. Ońtústik Kavkazda turaqty jáne uzaq merzimdi beıbitshilik múmkin be? Árıne, bul tek Armenııa ǵana jaýap berýi kerek suraq emes. Biraq men bul suraqqa Armenııa atynan jaýap bergim keledi. Ońtústik Kavkazdaǵy berik jáne uzaqmerzimdi beıbitshilik múmkin ǵana emes, sonymen birge shynaıy ekenine senimdimin. Jaqynda bárińiz de beıbit kelisim mátininiń 80 paıyzyn taraptar kelisip qoıǵanyn estidińizder», - dedi Nıkol Pashınıan.

Armenııa premer-mınıstriniń aıtýynsha, is júzinde bul qazirgi ýaqytta taraptar bitimgershilik kelisim jobasynyń preambýlasy men 13 baby boıynsha keliskenin bildiredi. Onyń aıtýynsha, shamamen eki sóılemnen turatyn qalǵan 3 bap ishinara kelisildi. Mysaly, bir usynysty taraptar kelisse, ekinshisin áli kelisilmegen.

«Jaqyn arada kelisilgen baptar negizinde shartqa qol qoıýǵa daıyn ekenimizdi taǵy da bildirgim keledi», - dep qorytyndylady Nıkol Pashınıan.

Erevanda «Yerevan Dialogue» halyqaralyq forýmy – saıasatkerlerdi, ǵalymdardy, jeke sektordy jáne azamattyq qoǵamdy biriktiretin platforma klımattyń ózgerýi men qaqtyǵystardan bastap tehnologııalar men densaýlyq saqtaýǵa deıingi mańyzdy máselelerdi talqylaý jáne sheshý joldaryn izdestirý úshin bastaldy.