Nıkıta Shatalov Ázerbaıjan Prezıdenti saparynyń túbegeıli máni bolatyn úsh baǵytty atady
«Pragmatıkalyq, sonymen qatar ıdeologııalyq ta odaqtar bar. Qazaqstan-Ázerbaıjan qarym-qatynasy pragmatıkadan jurdaı emes. Degenmen, ásirese ekinshi tynysy ashylǵan dál osy sátte onrda sımvoldyq mánniń aıtarlyqtaı kóp ekeni seziledi. Onyń ishinde Toqaevta da, Álıevte de - Máskeý memlekettik halyqaralyq qatynastar ınstıtýtynyń eki túleginde de jeke baılanys kezinde ózindik aıryqsha hımııa qalyptasqan. Álıevtiń Astanaǵa búgingi sapary ózge de halyqaralyq baılanystardyń qasynda – eki kóshbasshynyń da barlyq kelisimdi logıkalyq sońyna deıin jetkizýge degen nıetiniń tikeleı nátıjesi. Geosaıası jaǵdaı turǵysynda túbegeıli máni bar keminde úsh baǵyt bar: munaı tasymaldaý, Kaspıı tabanyna talshyqty-optıkalyq jeli tartý jáne ınflıatsııalyq qysymdy tómendetý úshin taýarlar, onyń ishinde birinshi kezekte qajetti taýar eksporty-ımporty salasyndaǵy yntymaqtastyq», - dep jazdy ol Telegram paraqshasynda.
Spıkerdiń atap ótýinshe, bul jobalardyń báriniń ekzıstentsıaldyq sıpaty bar.
Olar óńirdegi tolyq mashtabty soǵys is-qımyldary jáne ekonomıkalyq seriktesimizge buryn-sońdy bolmaǵan sanktsııalar qysym jaǵdaıynda mańyzdy logıstıkalyq jáne aqparattyq arnalardy ártaraptandyrý úshin qajet.
Maıdandaǵy, stantsııalyq saıasattaǵy kez kelgen ózgeris qalaı bolǵanda da batystyq seriktester ne aıtqanyna qaramastan bizge nuqsan keltiredi.
«Bul rette ıdeologııalyq qubylys retinde túrkilerdiń qaıta órleý dáýiri túbegeıli mańyzǵa ıe. Bizde Eýrazııanyń iri oıynshylary – Qytaımen, Reseımen jáne EO-men sapaly ózara qarym-qatynas bar. 2022 jyl syrtqy saıasatymyzdaǵy túrki shebin qalpyna keltirýdiń bastaýy boldy. Jáne de Ázerbaıjan-Túrkııa blogy - tikeleı saýda-ekonomıkalyq jáne mádenı-gýmanıtarlyq yntymaqtastyq áleýetinen bólek álemdik saýdanyń kóptegen baǵytynan ysyrylǵan Reseıdiń qandaı da bir deńgeıde ornyn basatyn EO-ǵa taǵy bir kópir», - dedi Nıkıta Shatalov.