Nıgerııadaǵy sý tasqyny 170-ten astam adamnyń ómirin qıdy

<p>ASTANA. KAZINFORM &ndash; Nıgerııada birneshe apta boıy jalǵasqan sý tasqyny 170-ten astam adamnyń ómirin qıdy, al 200 myńnan astamy el ishinde qonys aýdarýǵa májbúr boldy. Bul týraly eldiń Tótenshe jaǵdaılar jónindegi ulttyq basqarmasynyń ókili Manzo Ezekıel málimdedi, dep jazady <a href="https://tass.ru/proisshestviya/21702791" target="_blank" rel="noopener">TASS</a>.</p>

«Ásirese Nıgerııanyń soltústik aımaqtary kóp zardap shekti», - dep keltiredi onyń sózin CNN.

Tolassyz jaýǵan jańbyr men eki iri ózen – Nıger men Benýe ózenderi deńgeıiniń kóterilýi saldarynan eldiń basqa aımaqtaryna eleýli qaýip tónip tur. Sý kózderiniń lastanýyna baılanysty tyrysqaq aýrýynyń órshý qaýpi bar.

Nıgerııanyń gıdrologııalyq qyzmet agenttigi Nıger ózenindegi sý deńgeıiniń kóterilý qaýpi týraly eskertedi.

- Nıgerııamen kórshiles Nıger Respýblıkasynda tótenshe gýmanıtarlyq jaǵdaı qalyptasty. Elde sońǵy 50 jylda bolǵan nóser jaýyn sońy joıqyn sý tasqynyna ulasty. Jergilikti bıliktiń málimetinshe, Nıger ózeniniń tasqyny saldarynan el astanasynyń kóp aýdany sý astynda qaldy, 150 adam qaza tapty, on myńdaǵan adam baspanasynan aıyryldy, dep habarlaıdy Malijet portaly.