Nıgerııada polıtsııa 400-ge jýyq oqýshyny izdestirip jatyr

NUR-SULTAN. QazAqparat - QazAqparat – Nıgerııada áskerıler birneshe kúnnen beri mektepke shabýyl jasalyp, iz-túzsiz joǵalyp ketken 400-ge jýyq oqýshyny izdestirip jatyr. Oqıǵa juma kúni eldiń soltústigindegi Katsına shtatynyń Kankara qalasynda bolǵan, dep habarlaıdy QazAqparat Euronews-ke silteme jasap.

Mototsıkl mingen qarashylar balalar uıyqtap jatqanda oq jaýdyryp, mektep ǵımaratyna basa kóktep kirgen. Polıtsııa bólimsheleri qylmyskerlerdiń izine túsip 200 oqýshyny qutqaryp úlgergen. Olardyń keıbiri qashyp qutylǵan. Keıin balalardy qutqarý operatsııasyna áskerı kúsh qosyldy.

Kámeletke tolmaǵandardy Nıgerııanyń soltústik-batysyndaǵy qarýly zańsyz top qun tólep bosatý maqsatynda urlap áketti degen boljam bar. Bılik mektep oqýshylaryn tezirek bosatý úshin qoldan kelgenniń bárin jasaýǵa ýáde berdi.

Eske sala keteıik, 2014 jyly sáýirde radıkal «Boko Haram» tobynyń músheleri Borno shtatynyń soltústik-shyǵysyndaǵy Chıbok qalasyndaǵy mektep jataqhanasynan 276 qyzdy urlap ketken. Shamamen 100-ge jýyq qyz qyzdyń qaıda ekenin áli belgisiz.