Nıgerııada Lassa bezgeginen kóz jumǵandar sany 163-ke jetti

<p>ABÝDJA. Kazinform &ndash; Ólimge ákeletin aýrý Nıgerııanyń 34 shtatyna, onyń ishinde astanasy Abýdjaǵa da tarady, dep jazady&nbsp;<a href="https://www.aa.com.tr/ru/%D0%BC%D0%B8%D1%80/%D1%87%D0%B8%D1%81%D0%BB%D0%BE-%D0%B6%D0%B5%D1%80%D1%82%D0%B2%D0%B0%D0%BC%D0%B8-%D0%BB%D0%B8%D1%85%D0%BE%D1%80%D0%B0%D0%B4%D0%BA%D0%B8-%D0%BB%D0%B0%D1%81%D1%81%D0%B0-%D0%B2-%D0%BD%D0%B8%D0%B3%D0%B5%D1%80%D0%B8%D0%B8-%D0%B2%D0%BE%D0%B7%D1%80%D0%BE%D1%81%D0%BB%D0%BE-%D0%B4%D0%BE-163/3299179" target="_blank" rel="noopener">Anadoly</a>.</p>

Nıgerııa aýrýlardy baqylaý ortalyǵynyń (NCDC) málimetinshe, ólimge ákeletin aýrýdan kóz jumǵandar sany 163-ke jetken.

Nıgerııa úkimeti aýrýdy emdeýge arnalǵan 3 dárini anyqtaǵanyn aıtty.

Ótken jyly Nıgerııada 1227 adamnan Lassa bezgegi anyqtalǵan, onyń 219-y qaıtys bolǵan.

Lassa bezgegi alǵash ret Nıgerııada 1969 jyly eldiń soltústik-shyǵysyndaǵy Borno shtatynda anyqtalǵan.

Lassa bezgegine baılanysty Nıgerııa úkimeti ótken jyldyń aqpan aıynda tótenshe jaǵdaı jarııalady.

Lassa bezgegi egeýquıryq pen tyshqandar arqyly taraıdy. Bul qaýipti aýrý adamnan adamǵa juǵady jáne ólimge ákelýi múmkin.

El bıligi halyqty saqtyq sharalary men gıgıenalyq normalardy saqtaýǵa shaqyrdy.

Aıta keteıik, Nıgerııada tyrysqaq indetinen kóz jumǵandar sany 156-ǵa jetti.

Al, mamyr aıynda Nıgerııada bir aptada qyzylsha indetinen 42 adam qaıtys bolǵan.