Nıgerııada qaıyrymdylyq sharasy kezinde 22 adam qaza boldy

<p>ASTANA. KAZINFORM &ndash; Nıgerııada qaıyrymdylyq sharasy kezinde jappaı qyspaqta qalǵan jurt birin-biri taptap, 22 adam kóz jumdy.</p>

Senbi kúni Nıgerııanyń ońtústik-shyǵysyndaǵy Anambra shtatyndaǵy Okıdja qalasynda Rojdestvo merekesi qarsańynda halyqqa azyq-túlik pen ósimdik maıyn taratýǵa arnalǵan qaıyrymdylyq sharasy ótken. Sol kezde qyspaqta qalǵan 22 adam qaza boldy. Mert bolǵandar sany budan kóp bolýy múmkin.

Anambra polıtsııasynyń ókili Tochýkvý Ikenganyń aıtýynsha, zardap shekken keı adamdar jergilikti aýrýhanalarda emdelip jatyr. Biraq olardyń naqty sany aıtylmady. Qazir oqıǵaǵa qatysty tergeý júrgizilýde.

Aıta keteıik, jaqynda Nıgerııanyń Ulttyq polıtsııasynyń basshysy Kaıode Egbetokýn áleýmettik turǵyda osal sanattaǵy azamattarǵa arnalǵan jármeńkeler men basqa da túrli sharalardyń talapqa saı uıymdastyrylmaýynan adam ólimi bolatynyn aıtyp, qatań eskertý jasaǵan edi.

Osyǵan deıin Nıgerııanyń ońtústiginde uıymdastyrylǵan jármeńkede 32 bala mert bolǵanyn jazdyq.