Nıgerııada bir aptada qyzylsha indetinen 42 adam qaıtys boldy

<p>ASTANA. KAZINFORM &ndash; Bir aptanyń ishinde Nıgerııanyń soltústik-shyǵysyndaǵy Adamava shtatynda qyzylsha indetinen kem degende 42 adam qaıtys boldy. Bul týraly &nbsp;<a href="https://www.reuters.com/world/africa/least-42-die-measles-outbreak-northeast-nigeria-2024-05-03/" target="_blank" data-saferedirecturl="https://www.google.com/url?q=https://www.reuters.com/world/africa/least-42-die-measles-outbreak-northeast-nigeria-2024-05-03/&amp;source=gmail&amp;ust=1714903161771000&amp;usg=AOvVaw1lr4DEsuXYjXTbQSRFKc7X" rel="noopener">Reuters</a> jazdy.</p>

Adamava shtatynyń densaýlyq saqtaý komıssary Felıks Tangvamı qyzylsha indeti negizinen eki aýdanda órship, 42 adam qaıtys bolǵanyn aıtty.

«Bul aımaqtarǵa qyzylshaǵa qarsy vaktsınalar jiberildi. Bizdiń mamandardan quralǵan top jaǵdaıdy baqylap jatyr», - dedi ol.

Kóbi Nıgerııanyń soltústik shtattaryndaǵy turaqsyz jaǵdaıdy aıyptap, vaktsınatsııaǵa kedergi keltirdi dep esepteıdi.

Qyzylsha – aýa tamshylary arqyly taralatyn jáne aýyr asqynýlar men ólimge ákeletin óte juqpaly, vırýstyq aýrý. 2000-2022 jyldar aralyǵynda qyzylshaǵa qarsy vaktsınatsııa 57 mıllıon ólimniń aldyn aldy. Dúnıejúzilik densaýlyq saqtaý uıymynyń málimeti boıynsha, vaktsınanyń qoljetimdiligine qaramastan, 2022 jyly dúnıe júzinde qyzylshadan 136 000 ólim-jitim tirkeldi. Onyń ishinde negizinen vaktsınatsııalanbaǵan nemese tolyq ekpe almaǵan 5 jasqa deıingi balalar bar.