Nıgerııada benzın tasymaldaıtyn kólik jarylyp, 94 adam qaza tapty

<p>ASTANA. KAZINFORM &ndash; Qaza tapqandardyń kóbiniń denesin kúıik shalǵany sonsha, olardy anyqtaý múmkin bolmady, dep habarlaıdy <a href="https://t.me/bbcrussian/71660" target="_blank" rel="noopener">VVS</a>.</p>

Nıgerııanyń soltústigindegi Djıgava shtatynda benzın tasymaldaýshy kólik júrgizýshisiniń ony basqara almaýynan aýdarylyp qaldy. Kem degende 94 adam qaza taýyp, 50 adam jaraqat aldy.

«Biz benzın tasymaldaýshy kólikke eshkimniń jaqyndamaýy úshin bar kúshimizdi saldyq, biraq oqıǵa ornyn qorshaǵanymyzǵa qaramastan, adamdar janarmaı jınaýǵa kirip ketti, odan keıin órt shyqty», - dedi jergilikti polıtsııa ókili.

Nıgerııalyq The Whistler basylymy shtat polıtsııasyna silteme jasap 105 adamnyń qaza tapqanyn habarlady. Kólik júrgizýshisi zardap shekken joq. Ol tergeýge deıin qamaýǵa alyndy.

Atap ótilgendeı, Nıgerııada mundaı oqıǵalar sırek emes. Máselen, bıylǵy jyldyń qyrkúıeginde Nıger shtatynda benzın tasymaldaýshy kóliktiń mal men adamdar tasymaldaǵan júk kóligimen soqtyǵysýy saldarynan 59 adam qaza tapty. Jergilikti bıliktiń málimetinshe, 2020 jyly Nıgerııada benzın tasymaldaýshy kólikterdiń qatysýymen 1531 apat bolǵan. Jalpy alǵanda 535 adam qaza boldy.

Buǵan deıin Kenııanyń ortalyǵyndaǵy bastaýysh mektep-ınternattan órt shyǵyp, 17 oqýshy qaza tapqany týraly jazǵan bolatynbyz.