Nıgerııa men Brazılııa azamattary elde zańsyz júrgeni úshin ustaldy

ASTANA. QazAqparat – Almaty qalasynyń Polıtsııa departamenti Qazaqstanda zańsyz jumys istegen 54 sheteldikti ustady, dep habarlaıdy QazAqparat.

Polıtseıler olardy qaladaǵy hostelderden tapqan.

«QR kóshi-qon zańnamasyn saqtaý boıynsha reıdter quqyq buzýshylyqtyń aldyn alýǵa jáne zańsyz kóshi-qon arnalaryn anyqtaýǵa baǵyttalǵan.

Bir aptada basqa elderdiń 50 azamaty jáne kórshiles elderdiń 165 azamaty ákimshilik jaýapqa tartyldy. 104 shetel azamaty qujattarynyń bolmaýyna baılanysty qabyldap-taratý oryndaryna ornalastyryldy. Taǵy 22 shetel azamaty Qazaqstan Respýblıkasynan shyǵaryldy. Sonymen qatar 54 jeke jáne zańdy tulǵa, onyń ishinde Nıgerııanyń 12 azamatyn, Brazılııanyń 2 azamatyn zańsyz jumysqa tartqan fırma basshylyǵy ákimshilik jaýapqa tartyldy», – dedi Almaty qalasy PD kóshi-qon qyzmeti basqarmasynyń bastyǵy Ashat Býtýnchınov.

Departamenttiń habarlaýynsha, reıdtik is-sharalardyń maqsaty – qoǵamdyq tártipti saqtaý, Qazaqstan Respýblıkasynda bolý erejelerin buzý derekterin jáne sheteldikterdi zańsyz jumysqa ornalastyrý derekterin anyqtaý, sondaı-aq shetel azamattary tarapynan qylmystar men quqyq buzýshylyqtardyń aldyn alý.