Nıgerde sodyrlar qolynan 137 adam qaza tapty

NUR-SULTAN. QazAqparat – Nıger eliniń soltústik-batysyndaǵy eldi mekende sodyrlardyń shabýyly saldarynan qaza bolǵan adamdardyń sany 137-ge jetti. Bul týraly QazAqparat Sınhýa agenttigine silteme jasap habarlaıdy.

Dúısenbide Reuters agenttigi shabýyl saldarynan 60 adam qurban bolǵany jaıynda aqparat bergen edi.

Jeksenbi kúni qarýly sodyrlar Nıgerdiń Malımen shekarasynyń mańyndaǵy birneshe kenttiń adamdaryna oq jaýdyra bastaǵan.

15 naýryzda sodyrlar eldiń batysynda Tılaberı aýdanynda 58 beıbit turǵyndy óltirip ketti.

Nıgerdiń Malı jáne Býrkına-Fasoǵa jaqyn jatqan batys oblystarynda «Islam memleketiniń» qurylymy bolyp tabylatyn «Batys Afrıkadaǵy Islam memleketi» ekstremıstik lańkestik tobynyń sodyrlary áreket etýde.