Nıderlandyda týrıster úshin salyq engizildi

NUR-SULTAN. QazAqparat –Nıderlandyda týrıster Amsterdamda qonýy úshin bir túnge 3 dollar tóleýi tıis. Jańa salyq 2020 jyldyń 1 qańtarynan bastap iske qosyldy, dep habarlaıdy QazAqparat The Telegraph basylymyna silteme jasap.

«Jańa jyldy Amsterdamda qarsy alǵan týrıster bul áreketine ókingen bolýy múmkin. Sebebi olar qalada qalýy úshin bir túnge 3 dollar salyq tóleýi tıis», - dep jazady basylym.

Basylymnyń habarlaýynsha, jańa salyq qonaq úıdegi bólme baǵasynyń 7 paıyzyn qamtıtyn tólemdi tolyqtyryp tur. Al Airbnb arqyly bólme jalǵa alǵan týrıster túnine budan da kóp aqsha tóleıdi, naqtyraq aıtskaq, bólme baǵasynyń on paıyzyn bıýdjetke qaldyrady.

1,1 mln turǵyny bar Amsterdam qalasyna jylyna 17 mln týrıst keledi. Qala turǵyndary shý men basqa da keleńsizdikterge shaǵymdanǵan soń, bılik osyndaı strategııa qabyldap otyr. Qala ákimshiligi týrıstik salyq qaladaǵy týrıster aǵynyn retteýge kómegin tıgizedi dep tujyrymdaıdy.