Nıderlandyda túngi klýbtardyń jumysy toqtatyldy
Bul sharalar Nıderlandyda COVID-19 juqtyrý jaǵdaılary bir kúnde jeti esege kóbeıgennen keıin engizilip otyr. Infektsııa juqtyrǵandar sany táýligine 7 myńǵa jetti, naýqastardyń basym bóligi – 30 jasqa deıingi adamdar.
El premer-mınıstri Mark Rıýtteniń aıtýynsha, úkimet tarapynan tıisti aralasý bolmasa, koronavırýstyń taralý jyldamdyǵy óse bermek.
«Bizdiń maqsatymyz – densaýlyǵy osal adamdardy qorǵap, olardy medıtsınalyq qyzmet kórsetýmen qamtamasyz etý, sonymen qatar ekonomıka men qoǵamǵa barynsha az shyǵyn keltirý», - dedi M. Rıýtte.
Degenmen Nıderlandta maska taǵý mindetti etilmedi. Turǵyndar tek qoǵamdyq kólikterde ǵana maska taǵýǵa mindetti.
1,5 metrlik áleýmettik araqashyqtyq Nıderlandtyń barlyq qonaq qabyldaý sektorynda talap etiledi. Mindetti testileý teatr jáne sporttyq stadıondar sııaqty qoǵamdyq oryndarǵa barý úshin kerek bolady.