Nıderlandyda rojdestvolyq keshki asqa qatysty shekteý qoıyldy

BRıÝSSELЬ. QazAqparat – Nıderlandyda búngingi tańdaǵy koronavırýstyń taralý kórsetkishine qarap elde Áleýmettik araqashyqtyqty saqtaý erejesi jeńildetiledi deý qıyn. Bul týraly seısenbi kúni baspasózge Nıderlandynyń premer-mınıstri Mark Rıýtte málim etti, dep habarlaıdy QazAqparat.

«Biz barlyǵy basqasha bolǵanyn qalap, koronavırýsqa qatysty jaǵdaıdyń jaqsaratynyna úmittendik. Odan da kóp nárse jasaı alatynymyzǵa sendik, biraq qolymyzdan bári kelmeıdi. Shyndyǵyna kelsek, búginde tańdaý aldynda turmyz: bizdiń erejelerimizdiń sandardy azaıtqanyn, nemese málimetterdiń óskenin baqylap otyrý. Sońǵy jaǵdaıda, men lokdaýnnyń qatań sharalaryn qaıta engizý qajettiligi týyndaıtynyn joqqa shyǵarmaımyn.

Qazirgi normalar boıynsha, nıderlandyqtar rojdestvolyq keshki asqa shaqyrǵan qonaq sany úsh adamnan aspaýy jáne olardyń jasy 13-ten joǵary bolýy kerek. Budan basqa, mektep kanıkýldaryn sozý sharalary qarastyrylyp otyr.

Jeltoqsannyń birinshi aptasynda Nıderlandyda koronavırýsqa shaldyǵý oqıǵalarynyń sany 27 paıyz ósken.

Qarqyndy terapııa bólimderine túskender sany eki ese ósti.

M.Rıýtte turǵyndardy rojdestvolyq kanıkýldy úıde ótkizip, karantın erejelerin saqtaýǵa, analız tapsyryp otyrýǵa shaqyrdy.

«2021 jylǵy qańtardyń ortasyna qaraı jaǵdaıdyń jaqsarýyn kórýge tyrysaıyqshy», - dedi Nıderlandy eliniń premer-mınıstri. Ol pandemııa boıynsha statıstıkanyń búkil Eýropa boıynsha nashar ekenin habarlady.