Nıderlandyda qus tumaýy anyqtaldy, 160 myńnan astam taýyq joıylmaq
23:07, 01 Aqpan 2022
GAAGA. QazAqparat - Nıderland bıligi fermada qus tumaýynyń óte juqpaly shtamyn anyqtady. 168 myńǵa jýyq taýyq soıylmaq, dep habarlaıdy QazAqparat Reuters agenttigne silteme jasap.
Aýrý oshaǵyna jaqyn jerde basqa qus fabrıkalary joq, biraq H5N1 vırýsynyń taralýyn boldyrmaý úshin qus etin, jumyrtqany jáne qus qaldyqtaryn 10 km radıýsta tasymaldaýǵa tyıym salynady, dep habarlady Gollandııanyń Aýyl sharýashylyǵy mınıstrligi.
2021 jyly indet bastalǵannan beri elde júzdegen myń taýyqtar, úırekter, kúrketaýyqtar jáne jabaıy qustar qyryldy.
Qus tumaýy – as qorytý jáne tynys alý múshelerin zaqymdap, qustardyń ólýine ákeletin juqpaly vırýstyq aýrý.Degenmen bul aýrýdyń kóptegen shtamdary adamdarǵa zııansyz.