Nıderlandyda koronavırýs vaktsınasy birinshi kezekte qart adamdarǵa salynady

BRıÝSSELЬ. QazAqparat – Nıderlandyda «AstraZeneca» vaktsınasynyń birinshi toptamasy 60-65 jas aralyǵyndaǵy turǵyndarǵa jáne qarttar úıiniń qyzmetkerlerine salynady, dep habarlaıdy QazAqparattyń menshikti tilshisi.

Brıtan-shved kompanııasynyń «AstraZeneca» vaktsınasynyń alǵashqy toby Nıderlandyǵa besinshi aqpanda jetti. Alǵashqy kezeńde medıtsına qyzmetkerleri men eldiń 60-65 jas aralyǵyndaǵy turǵyndaryna ekpe salý josparlanyp otyr.

Tehnıkalyq keleńsizdikke baılanysty Nıderlandy basqa da EO elderi tárizdi bıyl bul óndirýshiniń vaktsınasyn josparlanǵan mólsherden az alady. Nıderlandyǵa kelisimshartta kórsetilgen 4,5 mln-nyń ornyna 1,3 mln doza ekpe jetkiziledi.

«AstraZeneca» - Eýropa dárilik zattar agenttigi maquldaǵan úshinshi vaktsına. Buǵan deıin EO amerıkalyq «Pfizer» jáne «Moderna» vaktsınalaryna ruqsat bergen.