Nıderlandyda ınflıatsııa 9,7 protsentke deıin ósti

BRıÝSSELЬ. QazAqparat - Nıderlandy statıstıkalyq basqarmasynyń derekterine sáıkes, elde ınflıatsııa deńgeıi 9,7 %-ǵa deıin ósti, dep habarlaıdy QazAqparat menshikti tilshisi.

« Qazirgi ınflıatsııa - Nıderlandyda 1976 jyldyń sáýirinen keıin tirkelgen eń joǵarǵy deńgeı « , - degen CBS Ulttyq statıstıkalyq basqarmasynyń ókilderi.

Memleket aýmaǵynda naýryz aıynda energııa 157 %-ǵa qymbattap, tamaq ónimderi 6,2 %-ǵa ósken. Qurylys materıaldary, jıhaz jáne eden tósenishteriniń baǵasy da jyl saıyn 10 %-ǵa artyp keledi.

Turǵyn úıdi jaldaý qunyn alyp tastaıtyn ınflıatsııany esepteýdiń eýropalyq ádisi eýroaımaqtaǵy ınflıatsııany salystyrýǵa múmkindik beredi. Nıderlandy statıstıkalyq agenttigi nıderlandylyqtardyń jalaqysy 2022 jyldyń alǵashqy úsh aıynda ortasha eseppen 2,4 %-ǵa óskenin atap ótti.

Osy jyldyń birinshi toqsanynda ınflıatsııa 7,4 %-dy quraǵan. Qazirgi ýaqytta Nıderlandy úkimeti energııa baǵasyn arzandatý, ásirese kedeı otbasylaryna yqpalyn tómendetý boıynsha sharalar paketin daıyndady.