Nıderlandy koronavırýsqa qarsy vaktsınalaý qarqynyn arttyryp jatyr
Nıderlandynyń densaýlyq saqtaý mınıstrliginiń málimetinshe, qazirgi ýaqytta elde 8 mıllıonnan astam vaktsına salyndy. Olardyń 5,5 mln dozasy jergilikti vaktsınalaý ortalyqtarynda jasaldy.
Tek ótken aptanyń ózinde halyqqa 1 mıllıonǵa jýyq doza salyndy. Qazirgi ýaqytta bir aptada bul san 2 mıllıonǵa deıin artýy tıis.
Bul kezeńde vaktsınatsııa ortalyqtaryna 53-54 jastaǵy turǵyndar shaqyrylady. Osy jas sanatyna 507 myń adam kiredi, olardyń 425 myńǵa jýyǵyna vaktsına áli egilmegen.
Jalpy, Nıderlandyda koronavırýs juqtyrǵandar statıstıkasy tómendeýde: 21 mamyrda kúnine 4219 jańa KVI jaǵdaıy tirkeldi, bul aldyńǵy kúnmen salystyrǵanda 433-ke az.
Osylaısha, ótken aptada aýrýǵa shaldyǵýshylardyń ortasha sany aldyńǵy jeti kúndik kezeńdegi salystyrǵanda táýligine 4367-ge deıin tómendegen. Ótken aptada bul kórsetkish 6202 bolǵan.