Nıderlandy eń iri gaz ken ornyn jabady

ASTANA. QazAqparat- Nıderlandy seısmologııalyq qaýipke baılanysty 1 qazannan bastap eldiń soltústigindegi Gronıngen ken ornynda gaz óndirýdi toqtatady, dep habarlaıdy QazAqparat Euronews-ke silteme jasap.

Gronıngen ken orny — álemdegi eń iri ári aıtarlyqtaı shıkizat qory bar gaz ken oryndarynyń biri. Biraq sońǵy shırek ǵasyrda bul aımaqta ken ornyn ıgerýge baılanysty jer silkinisi jıilep ketkendikten, jumysty toqtatýǵa májbúr etti.

90-shy jyldardyń ortasynan beri taý-ken aımaǵynda júzdegen jer silkinisi tirkelip, magnıtýdasy 3,4-ke jetken.
Sonymen birge, el bıligi energetıkalyq daǵdarys kezinde óndiristi qysqa merzimde qalpyna keltirýge bolatyndaı birneshe óndiristik alańdardy saqtaıtynyn aıtty.