Nıderlandy elimizde kartop frıin shyǵaratyn zaýyt salýǵa nıetti

NUR-SULTAN. QazAqparat - QR Aýyl sharýashylyǵy mınıstri Saparhan Omarov Nıderlandy Koroldiginiń Tótenshe jáne Ókiletti Elshisi Dırk ıAn Koppen kezdesti, dep habarlaıdy QazAqparat tilshisi mınıstrliktiń baspasóz qyzmetine silteme jasap.

Kezdesý barysynda taraptar aýyl sharýashylyǵy ónimderi taýarlarynyń aınalymy, aýyl sharýashylyǵy ónimderin óńdeý jáne qaıta óńdeý salasyndaǵy birlesken ınvestıtsııalyq jobalardy júzege asyrý máselelerin talqylady. Atap aıtqanda, Almaty oblysynda kartop frıin shyǵaratyn zaýyt qurylysy men Pavlodar oblysynda nıderlandııalyq Lely kompanııasymen birlesken demonstratsııalyq sút fermasyn qurý jobalary qarastyryldy.

Aıta keteıik, Nıderlandy qazaqstannyń ekonomıka jáne aýyl sharýashylyǵy salasyndaǵy mańyzdy seriktesi sanalady. 2018 jyly Qazaqstannyń Nıderlandymen agroónerkásip kesheni ónimderiniń taýar aınalymy 68,1 mln dollardy qurady. Bul rette eksport kólemi 2017 jylmen salystyrǵanda 2 ese artyp, 10,1 mln dollardan 22,2 mln dollarǵa jetip otyr.