Nıderlandta jylý júıelerinen sý aqqan jerdi ıt arqyly anyqtaıdy

BRıÝSSELЬ. QazAqparat – Nıderlandtyń ortalyq bóligindegi Flevoland provıntsııasy Almere qalasynda pılottyq joba iske qosyldy. Sonyń aıasynda ortalyq jylý júıesindegi sý aqqan jerdi ıisshil ıtter arqyly tabady, dep habarlaıdy QazAqparat menshikti tilshisi.

Jergilikti BAQ-tyń málimetinshe, Taker atty ıt pen kınolog maman Ýeslı Vıssher qalalyq jylýmen jabdyqtaý júıesindegi sý jylystaǵan jerdi birge izdep jatyr. Janýar kádimgi sýdyń ıisinen sál ózgeshe ortalyqtandyrylǵan jylýmen jabdyqtalǵan sýdyń ıisine úıretilgen. Jergilikti sýmen jabdyqtaý kompanııasynyń mamandary júıede sýdyń aǵyp jatqanyn anyqtaý óte qıyn ekenin aıtady.

«Qubyrlardaǵy úlken jaryqtardan sýdyń aǵyp jatqany birden kórinedi. Sý shashyraıdy nemese sizde topyraqtyń shógilip jatqanyn baıqaýǵa bolady. Jıi kezdesetin kishkentaı tesikterdi baıqamaımyz, óıtkeni topyraq sýdy birden sińiredi. Ony tabý qıyn. Mysaly, jerdiń temperatýrasyn ólsheýge bolady, biraq bul kóp ýaqyt alady. Iisshil ıtpen bári áldeqaıda ońaı», - deıdi joba bastamashylarynyń biri Mark Spıthorst.

Almere qalasynyń úlken bóliginiń astynda ystyq sýmen jabdyqtaý jelisi ótedi. Ol basqa Dımene qalasyndaǵy elektr stantsııasynda qyzdyrylady. Aǵyp ketý kóbinese sýdyń mólsheri az kezde anyqtalady. Sondyqtan energııa jetkizýshisi júıege sý quıyp, suıyqtyqty jylytý úshin kóbirek resýrs jumsaýǵa májbúr bolady. Taker esimdi ıt «Vattenfal» belgisin taǵyp júr, bul janýardyń qyzmette ekenin kórsetedi.

«Biz ıtti júıedegi sýdyń ısine onyń oıynshyǵymen úılestire otyryp úırettik. Sondyqtan Taker jaı ǵana oıynshyǵyn izdeıdi jáne óziniń mańyzdy jumys istep jatqanyn múldem túsinbeıdi», – dep túsindirdi kınolog Ý.Vıssher.

Beınede Takerdiń kenet toqtap, ǵımarattardyń biriniń qabyrǵasyna súıenip turǵanyn kórýge bolady.

«ıAǵnı ol bul jerde sý aǵyp jatqanyn kórsetip tur», – deıdi Ý.Vıssher maqtanyshpen.

It oıynshyǵyn alyp, rıza bolady.

«Bizdi kórgen adamdar ony esirtki izdeıtin ıt dep oılaıdy. Bizdiń is júzinde ne istep jatqanymyzdy estigende, bul olarǵa unaıdy», - deıdi Ý.Vıssher.

Almere qalasyndaǵy pılottyq joba jyl sońyna deıin jalǵasady.