Nıderlandta «Qazirgi Qazaqstan» atty «dóńgelek ústeli» ótti

ASTANA. QazAqparat - Kóktemgi Naýryz merekesi kezinde «Sociëteit De Witte» bedeldi saıası klýbynda (Gaaga q.) konstıtýtsııalyq reformalar men Elbasynyń «Qazaqstannyń úshinshi jańǵyrýy: jahandyq básekege qabilettilik» Joldaýyn túsindirý maqsatynda «dóńgelek ústel» ótti. Іs-shara Nıderlandtaǵy Qazaqstan Respýblıkasynyń Elshiligimen jáne 1802 jyly qurylyp, úsh myńnan astam turaqty múshelerler sanynan turatyn «Sociëteit De Witte» klýbymen uıymdastyryldy.

Nıderlandtaǵy Qazaqstannyń Elshisi Maǵjan Іlııasov «dóńgelek ústel» qatysýshylaryna zamanaýı Qazaqstan jáne memleket táýelsizdiginiń qurylýy men turaqtylyǵyndaǵy Prezıdent Nursultan Nazarbaevtyń jetekshi róli týraly, sonymen qatar memlekettiń ekonomıkalyq jáne ınvestıtsııalyq áleýeti men Nıderlandpen iskerlik yntymaqtastyqtyń múmkindikteri jaıly mýltımedııalyq tanystyrylymyn usyndy, dep habarlaıdy QR SІM baspasóz qyzmeti.

Qazaqstandyq dıplomat «Qazaqstan Respýblıkasynyń Konstıtýtsııasyna ózgerister men tolyqtyrýlar engizý týraly» zańnyń qabyldanýy jalpy Qazaqstan Respýblıkasynyń saıası júıesin demokratııalandyrýǵa, Parlament pen Úkimettiń rólin sapaly arttyrýǵa, sondaı-aq halyq aldynda memlekettik bıliktiń barlyq tarmaqtarynyń jaýapkershiligin arttyrýǵa baǵyttalǵanyn jetkizdi. Konstıtýtsııalyq reformanyń, Qazaqstannyń turaqty damýy men 30 damyǵan memlekettiń qataryna kirýine jumyldyrylǵan Bes ınstıtýtsıonaldyq reformalardy júzege asyrý boıynsha «100 naqty qadam» Ult jospary mánmátininde asa mańyzdy maǵynaǵa ıe ekendigi atap kórsetildi.

Sonymen birge, «dóńgelek ústel» qatysýshylary Prezıdent N. Nazarbaevtyń «Qazaqstannyń úshinshi jańǵyrýy: jahandyq básekege qabilettilik» Joldaýyn júzege asyrý mánmátininde iskerlik yntymaqtastyqtyń múmkindikteri týraly oı-pikirlerimen bólisti. Sheteldik ınvestorlar úshin quqyqtyq kepildikter, jeńildikter men preferentsııalar júıesin qurý shetel kapıtalynyń qatysýymen kásiporyndardyń belsendiligin yntalandyrý boıynsha Qazaqstan Respýblıkasy Úkimetiniń kúsh-jigeri men sharalary atap ótildi.

Talqylaý sheńberinde «KB Enterprises» gollandtyq-qazaqstandyq birlesken kásiporyn dırektory Gerben Pek sheteldik ınvestorlardy tartý men qoldaý boıynsha Qazaqstannyń ortalyq jáne jergilikti bılik organdarynyń belsendi jumysyn atap, nıderlandyq kompanııanyń Qazaqstandaǵy qyzmetiniń tájirıbesi týraly aıtty. «KB Enterprises» kompanııasy Astana mańyndaǵy qýattylyǵy 100 MVt kún elektr stansalaryn salý men paıdalaný boıynsha iri jobany júzege asyryp jatqany atap kórsetildi.

Іs-sharaǵa qatysqandar «suraq-jaýap» formatynda Memleket basshynyń bitimgershilik bastamalaryna, sondaı-aq halyqaralyq dıalog alańy retinde Astananyń tabysty róline joǵary baǵa berip, táýelsizdik jyldaryndaǵy Qazaqstannyń jetistikterin talqylady. Bes ınstıtýtsıonaldyq reformalardy júzege asyrý, Qazaqstannyń HHІ ǵasyrdaǵy ornyqty damýy úshin sapaly jańa negiz qalyptastyratyny atap kórsetildi.