Nıderland úkimetin burynǵy barlaý qyzmetiniń basshysy basqarýy múmkin

<p>ASTANA. KAZINFORM &ndash; Nıderlandtyń jańa úkimetin eldiń burynǵy barlaý basshysy Dık Shoof basqarýy múmkin. Premer-mınıstr laýazymyna onyń kandıdatýrasyn seısenbi kúni basqarýshy koalıtsııa qurý kelisimine kelgen tórt partııa usyndy, dep jazady <a href="https://ru.euronews.com/my-europe/2024/05/28/ru-netherlands-new-government" target="_blank" rel="noopener">Euronews</a>.</p>

Úkimetke sondaı-aq:

Ketip jatqan premer-mınıstr Mark Rıýtteniń «Bostandyq jáne demokratııa úshin halyqtyq partııasy» (VVD);

«Jańa áleýmettik kelisim» tsentrıstik partııasy (NSC),

popýlıstik «Fermerlerdiń azamattyq qozǵalysy» (BBB) kiredi.

Mınıstrlik portfelderdi bólý boıynsha kelissózder aptaǵa sozylýy múmkin. Úkimet túpkilikti jasaqtalyp, parlament bekitkennen keıin jańa premer-mınıstr ant qabyldaıdy.

67 jastaǵy Shoof ondaǵan jyldar boıy joǵary memlekettik laýazymdarda qyzmet etti. 2020 jyldan bastap Ádilet jáne qaýipsizdik mınıstrliginiń bas hatshysy qyzmetin atqardy.

Buǵan deıin ol AIVD barlaý qyzmetin basqardy, Terrorızmge qarsy jáne qaýipsizdik jónindegi ulttyq úılestirýshi (NCTV) jáne Immıgratsııa jáne natýralızatsııa qyzmetiniń (IND) dırektory boldy.