Nıderland úkimetiniń basshysy Mark Rıýtte saıasattan ketedi

BRıÝSSELЬ.QazAqparat - Nıderland úkimetin sońǵy 13 jyl boıy basqarǵan Mark Rıýtte besinshi saılaýǵa túspeıtinin jáne kezekten tys saılaýdan keıin saıasattan ketetinin aıtty, dep habarlaıdy QazAqparat Euronews-ke silteme jasap.

Nıderland premer-mınıstriniń mindetin atqarýshy Mark Rıýtte saıasattan ketetinin málimdedi.

«Keshe tańerteń aldaǵy saılaýda Bostandyq pen demokratııa úshin halyqtyq partııasyn basqarmaımyn dep sheshtim. Jańa mınıstrler kabıneti bılikke kelgende, men saıasattan ketemin», - dedi Rıýtte.

Oppozıtsııa saılaýǵa deıin Rıýtteniń qyzmetinen ketýin talap etedi.

Rıýtteniń tórt partııaly basqarýshy koalıtsııasy ótken aptada kóshi-qonǵa shekteý sharalary týraly kelisimge kele almaǵan soń ydyrap ketti.

Jańa saılaýdyń kúni áli anyqtalǵan joq. Aldyn ala boljam boıynsha qarasha aıynda ótedi.

Buǵan deıin Nıderland úkimeti bosqyndar máselesine baılanysty otstavkaǵa ketkenin habarlaǵan bolatynbyz.