Nıderland polıtsııasy Palestınany qoldap sherýge qatysqan 50 adamdy qamaýǵa aldy

<p>AMSTERDAM. KAZINFORM - Jeksenbi kúni tústen keıin Amsterdamdaǵy Dam alańynda kem degende 50 adam qamaýǵa alyndy. Bul týraly Kazimform-nyń menshikti tilshisi jergilikti BAQ-qa silteme jasap habarlady.</p>

Buǵan deıin 7 qarashadan 8 qarashaǵa qaraǵan túni Nıderland astanasynyń Dam-skver aýdanynda ızraıldik fýtbol klýbynyń jankúıerlerine shabýyl jasalǵan bolatyn.

Jelide «Makkabı» jankúıerleri men «Aıaks» klýby arasyndaǵy qaqtyǵystyń vıdeosy paıda boldy. Birqatar jergilikti BAQ ızraıldik jankúıerlerdiń agressıvti áreketke baryp, palestınalyq belsendilerdi arandatqanyn habarlady.

Amsterdam polıtsııasynyń basshysy Pıter Holla juma kúngi baspasóz máslıhatynda fýtbol jankúıerleriniń sársenbi kúni ǵımarattyń aldynan Palestına týyn alyp tastaǵanyn aıtty. Sondaı-aq olar taksılerge zaqym keltirip, Dam alańyndaǵy Palestına týyn órtep jibergen.

Jelide ızraıldik jaqtastardyń palestınalyqtarǵa qarsy arandatýshylyq ánder aıtqany týraly vıdeolar paıda boldy.

Sonymen birge Nıderland polıtsııasy ızraıldik jankúıerlerge jasalǵan shabýyl týraly vıdeo jáne fotomaterıaldardy muqııat zerttep jatqanyn, nátıjesinde agressıvti tulǵalardy tutqyndaý bastalǵanyn habarlady.

Jeksenbi kúni Palestına úshin sherý ótkizýge tyıym salyndy jáne polıtsııa narazylyq bildirýshilerdi taratýdy surady. Osydan keıin ózge de belsendilerdi qamaýǵa alý bastaldy.