Nıderland parlament saılaýynda Gert Vılderstiń ońshyl partııasy alda keledi

<p>Ekzıt-poll nátıjesi Gert Vılderstiń ásire ońshyl partııasy Nıderland parlamentine kezekten tys saılaýda kósh bastap kele jatqanyn kórsetti. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://ru.euronews.com/2023/11/22/netherlands-exit-poll" target="_blank" rel="noopener">Euronews</a> jańalyqtaryna silteme jasap habarlaıdy.&nbsp;</p>

Alǵashqy málimetge sensek, Vılders partııasy Parlamenttiń jańa quramyndaǵy 35 orynǵa úmit arta alady.

2021 jylǵy saılaýda ol mandattardyń jartysyna jýyǵyn aldy - 17.

Bostandyq partııasynan keıin Eńbek partııasy men Frans Tımmermanstyń «Jasyl solshyldar» koalıtsııasy 26 orynda tur (buryn 17 oryn). Úshtikti 23 orynmen (buryn 34) bostandyq pen demokratııa úshin halyq partııasy jabady.

Nıderland saılaý keńesi saılaýdyń resmı qorytyndysyn 1 jeltoqsannan keıin jarııalaıdy.

Merziminen buryn parlament saılaýy Mark Rıýtte 13 jyl boıy qyzmet etken premer-mınıstr qyzmetinen ketýge sheshim qabyldaǵannan keıin jarııalandy.