ASTANA. QazAqparat – Ronald Kýman fýtboldan Nıderland quramasynyń bas bapkeri qyzmetine taǵaıyndaldy, dep habarlaıdy QazAqparat tilshisi.
Nıderland fýtbol odaǵy bas bapkermen kelisimshartty 2026 jylǵy álem chempıonatyna deıingi ýaqytqa jasady.
Ronald Kýman ulttyq quramaǵa buǵan deıin 2018-2020 jyldar aralyǵynda jetekshilik etti. Onyń jetekshiligimen nıderlandylyq fýtbolshylar 2018/2019 jylǵy Ulttar lıgasy fınalynda oıyn kórsetti.
Sondaı-aq, ol ulttyq quramadan basqa Ispanııanyń «Barselona», «Valensııa», Anglııanyń «Everton» jáne ózge klýbtarda bapkerlik qyzmet atqardy.
Eske salsaq, Nıderland quramasy Qatar jerinde ótip jatqan fýtboldan álem chempıonatynda 1/4 fınalynda Argentınaǵa penaltıden jol berdi. Odan keıin ulttyq qurama bas bapkeri Lýı van Gal qyzmetinen ketti.
Foto: footballhd.ru
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.