Nıderland Koroldiginiń Premer-Mınıstri qazaqstandyq stýdenttermen kezdesti

<p>ASTANA. KAZINFORM &ndash; Nıderlandy Koroldiginiń Premer-Mınıstri Mark Rıýtte Qazaqstanǵa jasaǵan jumys sapary aıasynda Maqsut Narikbayev University stýdentterimen kezdesip, olardyń suraqtaryna jaýap berdi.</p>

Stýdentterdiń biri Premer-Mınıstrden Qazaqstan men Nıderlandy arasyndaǵy yntymaqtastyqtyń perspektıvalyq baǵyttary týraly surady.

Foto: Vıktor Fedıýnın / Kazinform

«Eger áleýetti yntymaqtastyq týraly aıtatyn bolsaq, onda, árıne, bul ekonomıkamyzdy ártaraptandyrýǵa, klassıkalyq energııa kózderinen dástúrli emes kózderge kóshýge erekshe kóńil bólinip otyr. Bul – Qazaqstanda qurylysty bastap jatqan Philips jáne Heineken kompanııalary týraly», - dep jaýap berdi Mark Rıýtte.

Foto: Vıktor Fedıýnın / Kazinform

Onyń aıtýynsha, búginde eki el arasyndaǵy talqylaýdyń mańyzdy aspektisi sý resýrstaryn basqarý máselesi bolyp tabylady.

Foto: Soltan Jeksenbekov/ Kazinform

«Qazaqstanǵa óz tarapymyzdan kómektesý biz úshin úlken mártebe. Kómirsýlar jáne jasyl tehnologııalar baǵytynda biz Marokkomen jáne basqa eldermen, sonyń ishinde Qazaqstanmen jumys istep jatyrmyz», - dep atap ótti Nıderlandy Premer-Mınıstri.