Nıderland Qazaqstandaǵy sý tazartý qondyrǵylaryna €400 mln ınvestıtsııa salmaq

ASTANA. QazAqparat - Sý tazartý tehnologııasymen aınalysatyn nıderlandtyq kompanııa Qazaqstandaǵy osyndaı tehnologııalarǵa 400 mıllıon eýro ınvestıtsııa salýdy josparlap otyr, dep habarlaıdy QazAqparat tilshisi.

Kompanııa men «Kazakh Invest» qazaqstandyq ulttyq kompanııasynyń ókilderi Qazaqstan-Nıderland bıznes forýmy aıasynda Qazaqstanda kárizdik tazartý qondyrǵylaryn salý jobasyn júzege asyrý týraly memorandýmǵa qol qoıdy.

«Biz bul forýmǵa bir jyl daıyndaldyq. Bul eldiń ártúrli aımaqtarynda boldym. Qazirgi ýaqytta Astanada keńsemiz bar. Aldaǵy birneshe jylda kútiletin ınvestıtsııa kólemi - 400 mıllıon eýro. Biz ózimiz salýdy josparlap otyrǵan sý tazartý qondyrǵylaryna qyzmet kórsetemiz. ıAǵnı, Qazaqstan jáne onyń úkimetimen uzaqmerzimdi seriktestikke daıynbyz», - dedi kezdesýden keıin nıderlandtyq Clean Tech kompanııasynyń bas dırektory Pılkenrýd Sander.

Buǵan deıin Nıderlandtyń taǵy bir kompanııasy Pavlodar oblysynda avtomattandyrylǵan sút fermasyn qurý boıynsha qazaqstandyq kompanııamen yntymaqtasýǵa kelisken edi.

Foto: wozap.ru