Nıderland ǵalymdary tıimdiligi 30 paıyzdan asatyn kún batareıasyn oılap tapty

BRıÝSSELЬ. QazAqparat – Nıderlandy eliniń zertteýshiler toby kún batareıalarynyń tıimdiligi 30 paıyzdan joǵary bolǵan kún batareıasyn oılap shyǵardy, dep habarlaıdy QazAqparat.

Olarǵa jańalyq ashýǵa perovskıt pen kremnıı qosyndysyna negizdelgen tehnologııa kómektesti.

«Bul jetistik búkil álemde kún energııasyn damytýǵa jáne qazba otyndaryna táýeldilikti azaıtýǵa kómektesedi», - delingen zertteý uıymynyń baspasóz habarlamasynda.

Nátıje Mılan qalasynda (Italııa) ótken fotoelektrlik energııany túrlendirý boıynsha 8-shi Dúnıejúzilik konferentsııada (WCPEC-8) usynylǵan.

Zertteýshiler Mılan kórmesinde usynǵan joba – kún batareıalarynyń tıimdiligi jaǵynan álemdegi úzdigi, qoldanystaǵy kóptegen tehnologııalardan alynǵanyn, ónerkásiptik ornalastyrý jolynda taǵy bir mańyzdy kezeń ekenin atap ótti.

«Endi biz tolyq quramyn bilemiz jáne 30% tıimdilikke jetý úshin qajetti qabattardy basqara alamyz. Materıaldar men protsesterdi úlken aýmaqtarǵa taratý úshin sońǵy jyldary jınaqtalǵan masshtabtaý tájirıbesi men bilimin biriktire otyryp, bul tehnologııany 30%-dan astam tıimdilikpen jappaı óndiriske shyǵarý úshin ónerkásiptik seriktesterimizge nazar aýdara alamyz», - dedi baǵdarlama menedjeri, professor Djanlýka Kolettı.