Neımar resmı túrde «Ál-Hılal» klýbyna aýysty

ER-RIıAD. QazAqparat - Álemniń eń úzdik fýtbolshylarynyń biri, frantsýzdyń «Parı Sen-Jermen» klýbynyń jáne Brazılııa ulttyq quramasynyń shabýylshysy, jartylaı qorǵaýshy Neımar resmı túrde «Ál-Hılal» oıynshysy atandy. Bul - Saýd Arabııasyndaǵy eń tanymal jáne Azııadaǵy eń tıtýldy (66 kýbogy bar) klýb, ótken maýsymnyń chempıony, dep habarlaıdy QazAqparat «Shredınger sporty» Telegram arnasyna silteme jasap.

Neımardyń kelisimsharty eki jylǵa arnalǵan.

PSJ bul transfer úshin birden 80 mln eýro alady, bonýstarmen qosqanda bul soma 120 mıllıonǵa deıin kóterilýi múmkin.

Neımar eki maýsymǵa 160 mln eýro alady, biraq jarnamalyq kelisimsharttardy eskere otyryp onyń tabysy osy kezeńde 320 mıllıonǵa jetýi múmkin.

Osy klýbqa taıaýda kelgen ataqty oıynshy ol ǵana emes. Senegaldyq Kalıdý Kýlıbalı («Chelsı»), portýgal Rýben Neves («Výlverhempton»), serb Sergeı Mılınkovıch-Savıch («Latsıo») jáne brazılııalyq Malkolm («Zenıt») osy jazda «Ál-Hılalǵa» aýysty.

Komandany portýgal Horhe Jezýs (buryn Fenerbahche, Benfıka, Sportıngte bapker bolǵan) jattyqtyryp júr.

Neımar qazirdiń ózinde 31 jasta. L'Equipe basylymy «Ál-Hılalda» eki jyl oınaǵannan keıin ol 2026 jylǵy álem chempıonatyna durystap daıyndalý úshin Eýropaǵa oralady dep jazdy.

Eske salaıyq, ótken jyldyń jeltoqsan aıynda kórnekti fýtbolshy Krıshtıaný Ronaldýdyń saýdarabııalyq «Ál-Nasr» klýbyna aýysqany týraly sensatsııalyq jańalyq taraǵan edi.