Neımar onlaın kazınoda 1 mln eýrosyn utqyzyp jiberdi

ASTANA. QazAqparat - Pokerge degen súıispenshiligimen tanymal brazılııalyq PSJ klýbynyń shabýylshysy Neımar búgin, 29 naýryzda onlaın kazınoda oınap otyryp 1 mln eýrosynan aıyryldy, dep habarlaıdy QazAqparat championat.com resýrsyna silteme jasap.

Jaraqat alyp, maýsymnyń sońyna deıin demalyp jatqan 31 jastaǵy fýtbolshy eki saǵatqa sozylǵan qumar oıynda 1 mıllıon eýrodan astam aqshasyn uttyryp jiberdi.

Neımar poker týrnırlerine jıi qatysady, sonymen qatar osy karta oıynyndaǵy kóptegen is-sharalardyń bet-beınesi retinde kórinip júr.

Qazir brazılııalyq fýtbolshy sińirine jasalǵan operatsııadan aıyǵyp jatyr.

Maýsymnyń qalǵan bóliginde alańǵa shyǵa almaıtyny anyq jáne kelesi maýsymǵa daıyndyqty bastaýy kerek.

Qazirgi naýqannyń 29 matchynda Neımar 18 márte erekshelenip, 17 nátıjeli pas berdi.

Shabýylshy men PSJ arasyndaǵy kelisim 2025 jyly aıaqtalady.