New York Post Marko Polo jaıly qazaqstandyq fılm týraly jazdy
«Marko Polonyń Jibek joly» tanymal ıtalııalyq saıahatshynyń jelisimen 2016 jyly Qazaqstan Respýblıkasy Mádenıet jáne sport mınıstrliginiń tapsyrysy boıynsha túsirildi», - delingen Mádenıet jáne sport mınıstrliginiń taratqan habarlamasynda.
Fılm Nıý-Iorkte Orys-amerıkalyq qorynyń bastamasymen Mádenıet jáne sport mınıstrligi Qazaq ǵylymı-zertteý mádenıet ınstıtýtymen uzaqmerzimdi áriptestiginiń aıasynda kórsetilgen bolatyn.
«Biz úshin Nıý-Iorkte qazaqstandyq fılmdi usyný úlken mártebe. Sózsiz, bul týyndy amerıkalyq kórermenderdiń úlken qyzyǵýshylyǵyna ıe bolady. Sebebi uly Jibek jolynyń tarıhy qupııalarǵa toly. Onda ejelgi órkenıetter paıda boldy jáne joıylyp jatty. Onyń boıynda belgisiz sheberler quny jetpes mádenı eskertkishter salyp ketti, tanymal saıahatshylar keremet jańalyqtar ashty», - dedi Orys-amerıkalyq qorynyń prezıdenti Marına Kovaleva.
«Marko Polonyń Jibek joly» ǵylymı-kópshilik fılmi áıgili ıtalııalyq kópes Marko Polonyń Uly dala saıahattary týraly kitabynyń jelisi negizinde túsirilgen. Fılmde Ortalyq Azııa men qazirgi Qazaqstan shekarasyna erekshe nazar aýdarylǵan. Rejısserlik sheshim ǵylymı pikirtalas pen tarıhı qaıta qurýdy ushtastyrýdyń negizinde quralǵan.
«Marko Polo atalmysh kitaptyń avtory bolǵandyqtan ǵana emes, Azııa men Eýropany, kóshpeli jáne otyryqshy mádenıetterdi baılanystyrǵan iri tarıhı tulǵa bolǵandyqtan, úlken qyzyǵýshylyqqa ıe. Azııa Eýropalyqtar úshin kóp ǵasyrlar boıy belgisiz bolyp keldi. Olar Markonyń kitaby arqyly Qytaıdy, Ortalyq jáne Ońtústik-Shyǵys Azııany ashty», - deıdi Qazaq ǵylymı-zertteý mádenıet ınstıtýtynyń bas dırektory Andreı Hazbýlatov.
Mılan qalasynda Afrıka, Azııa jáne Latyn Amerıkasy fılmderiniń 27-festıvalinde arnaıy júldege ıe bolǵan fılmniń eksklıýzıvti kórsetilimi Nıý-Iorktiń Ulttyq óner qoǵamynda 2017 jyldyń 8 maýsymynda ótti.
Atalmysh bedeldi qoǵamdyq uıym AQSh-tyń ónerdi damytý salasyndaǵy eń ejelgi uıymdarynyń biri. Oǵan tanymal rejısser Martın Skorseze, akterler - Itan Hoýk, Robert Redford, Ýma Týrman, sonymen qatar iri amerıkalyq mýzeılerdiń basshylary, tanymal sýretshiler, mádenıet qaıratkerleri múshelik etedi.