Nevada shólindegi Burning Man festıvali nóser saldarynan toqtatyldy
22:54, 03 Qyrkúıek 2023
NEVADA.QazAqparat - Nevada shólinde ótip jatqan Burning Man festıvaline qatysýshylardan qatty jańbyr lagerdi laı-balshyqqa aınaldyrǵannan keıin tamaq pen sýdy únemdeýdi surady, dep habarlaıdy QazAqparat VVS-ge silteme jasap.
Aýa raıynyń qolaısyzdyǵy sonsha, festıvalge kirýdi, tipti onyń aýmaǵynan ketýdi toqtatýǵa týra keldi. Amerıkalyq BAQ senbi kúni onda 70 myńnan astam adam qalyp qoıǵanyn habarlady.
Blek-Rok shólindegi jyl saıynǵy Burning Man festıvali Amerıka Qurama Shtattaryndaǵy eń tanymal mádenı sharalardyń biri.
Áleýmettik jelidegi kadrlarda qatysýshylardyń balshyqtan ótýge tyrysyp jatqanyn kórýge bolady. Uıymdastyrýshylar qum qurǵaǵansha kólik júrgizýge tyıym salynǵanyn aıtty (jedel qyzmetterdi qospaǵanda).