Netanıahý sóz sóılegende birqatar eldiń delegatsııasy BUU zalynan shyǵyp ketti

<p>ASTANA. KAZINFORM — Izraıl premer-mınıstri Bınıamın Netanıahý sóz sóılegen kezde Túrkııa men basqa da birqatar elderdiń delegatsııalary BUU Bas assambleıasy zalynan shyǵyp ketti. Bul týraly <a href="https://www.aa.com.tr/ru/%D0%BC%D0%B8%D1%80/%D1%82%D1%83%D1%80%D0%B5%D1%86%D0%BA%D0%B0%D1%8F-%D0%B4%D0%B5%D0%BB%D0%B5%D0%B3%D0%B0%D1%86%D0%B8%D1%8F-%D0%BF%D0%BE%D0%BA%D0%B8%D0%BD%D1%83%D0%BB%D0%B0-%D0%B7%D0%B0%D0%BB-%D0%B3%D0%B0-%D0%BE%D0%BE%D0%BD-%D0%B2%D0%BE-%D0%B2%D1%80%D0%B5%D0%BC%D1%8F-%D1%80%D0%B5%D1%87%D0%B8-%D0%BD%D0%B5%D1%82%D0%B0%D0%BD%D1%8C%D1%8F%D1%85%D1%83/3343612" target="_blank" rel="noopener">Anadoly</a> agettigi jazdy. </p>

Netanıahý BUU Bas assambleıasynyń 79-shy sessııasynda sóılegen sózin bastamas buryn Túrkııanyń BUU-daǵy turaqty ókili Ahmet Iyldyz bastaǵan túrik delegatsııasy otyrys zalynan shyǵyp ketti.

Izraıl premer-mınıstriniń sóz sóıleýi kezinde zal aıtarlyqtaı bos qaldy. Ol minberde turǵanda oryndardan gýil estildi.

Halyqaralyq qylmystyq sot áskerı qylmys jasady degen kúdikpen tutqyndaýǵa order bergen Benıamın Netanıahýǵa BUU Bas Assambleıasynda sóz sóıleýge ruqsat berý úlken daý-damaı týǵyzyp, synnyń astynda qaldy.

Aıta keteıik, Qazaqstan Respýblıkasy Premer-Mınıstriniń orynbasary — Syrtqy ister mınıstri Murat Nurtileý BUU Bas Assambleıasynyń 79-shy sessııasy sheńberinde ótken Bolashaq sammıtinde sóz sóıledi.

Mınıstr óz sózinde kópjaqty yntymaqtastyqtyń, BUU reformasynyń jáne klımattyń ózgerýi, ıadrolyq qaýipsizdik jáne tsıfrlyq transformatsııa sııaqty syn-qaterlerdi sheshýge baǵyttalǵan jahandyq kúsh-jigerdiń mańyzyn atap ótti.