Netanıahý Makronnyń Izraılge qarý-jaraq jetkizýdi toqtatý týraly úndeýin aıyptady

<p>ASTANA. KAZINFORM &ndash; Izraıl premer-mınıstri Bınıamın Netanıahý Gaza sektoryndaǵy shaıqasta qoldanylatyn qarý-jaraqty Izraılge bermeýge shaqyrǵan Frantsııa prezıdenti Emmanıýel Makrondy synǵa aldy.&nbsp;</p>

Frantsııa prezıdenti Emmanıýel Makron senbi kúni Izraılge qarý-jaraq jetkizýdi toqtatýǵa, Gazadaǵy bir jylǵa jýyq ýaqytqa sozylǵan soǵysty «saıası jolmen sheshýge» shaqyrdy.

«Meniń oıymsha, búginde Gaza sektoryndaǵy soǵys qımyldaryn júrgizý úshin qarý-jaraq jetkizýdi toqtatý arqyly saıası sheshimge oralý basymdyq bolmaq», - dedi Makron France Inter telearnasyna bergen suhbatynda.

Ol óz sózinde Frantsııa Izraılge eshqandaı qarý-jaraq jetkizbeıtinin atap ótti. 

Izraıl premer-mınıstri Bınıamın Netanıahý Frantsııa prezıdenti Makrondy synap, onyń úndeýin «uıat» dep atady.

«Búginde Izraıl jeti maıdanda órkenıet jaýlarynan qorǵanýda. Izraıl Iran bastaǵan aıýandyq kúshtermen kúresip jatqan kezde, barlyq órkenıetti elder Izraıl jaǵynda berik turýy kerek. Alaıda prezıdent Makron jáne basqa da Batys kóshbasshylary qazir Izraılge qarý embargosyn engizýge shaqyrýda. Olardyń bul sózi uıat», - dedi Netanıahý.

Netanıahý Izraıldiń «olardyń qoldaýymen nemese qoldaýynsyz» jeńiske jetetinine ýáde berdi.

Netanıahýdyń málimdemesinen keıin Elıseı saraıy Makronnyń «Izraıldiń qaýipsizdigin qoldaıtynyn jáne muny kórsetetinin» basa aıtty.