Netanıahý: Izraıl jalań qolmen de soǵysýǵa daıyn

<p>ASTANA. KAZINFORM &ndash; AQSh Izraılge eger Rafahta úlken operatsııa bastasa, oq-dári jetkizýdi toqtatamyz dep qorqytqannan keıin Izraıl premer-mınıstri Bınıamın Netanıahý Izraıl tipti jalań qolmen de (Netanıahý &laquo;tyrnaqpen&raquo; dedi) soǵysýǵa daıyn ekenin málimdedi, dep habarlaıdy <a href="https://www.bbc.com/russian/articles/c043rggxj91o" target="_blank" rel="noopener">VVS.</a></p>

«Eger jalǵyz kúresý kerek bolsa, biz jalǵyz kúresemiz. Men buǵan deıin de aıttym, eger qajet bolsa, biz tyrnaqpen de kúresemiz... Biraq bizde tyrnaqtan da kóp nárse bar jáne biz tabandylyǵymyz jáne Qudaıdyń kómegimen  jeńemiz», - dedi Netanıahý beısenbi kúni beıneúndeýinde.

AQSh prezıdenti Djo Baıden sársenbi kúni teledıdarǵa bergen suhbatynda AQSh Rafahta palestınalyq beıbit turǵyndar arasynda kóptegen shyǵynǵa ushyraǵan operatsııany bastasa, Izraılge qarý-jaraq pen oq-dári jetkizýdi toqtatatynyn aıtty.

Buǵan deıin AQSh eskertý retinde Izraılge áýe bombalarynyń taǵy bir partııasyn jetkizýden bas tartqan bolatyn.

Netanıahý bul týraly beıneúndeýinde tikeleı aıtqan joq, biraq onyń sóılegen sóziniń mazmuny amerıkandyqtarǵa jaýap bolǵany anyq.

Ol óz sózinde 1948 jylǵy soǵysty eske aldy.

«Budan 76 jyl buryn táýelsizdik úshin soǵysta bizder az, jaý kóp edi. Bizde qarý bolǵan joq. Izraıl qarý embargosynyń astynda boldy. Biraq aramyzdaǵy orasan zor qaırattyń, qaharmandyq pen birliktiń arqasynda biz jeńiske jettik», - dedi premer.

BUU sheneýnikteri beısenbi kúni Izraıl beıbit turǵyndarǵa Rafahty evakýatsııalaýǵa buıryq bergen dúısenbiden beri 80 myńnan astam adam qashyp ketkenin habarlady.

Izraıl ushaqtary apta boıy Rafahqa nysanaly soqqylar jasap jatyr.

Eske sala ketsek, buǵan deıin AQSh Prezıdenti Djo Baıden eger Izraıl Rafah qalasynda shabýyl jasaıtyn bolsa, olarǵa snarıad pen oq-dári berý toqtatylatynyn málim etken edi.