Nesipbek Aıtuly: Saılaýda jeńgender el múddesin bárinen bıik qoıady dep senemin

NUR-SULTAN. QazAqparat – Aqyn, Qazaqstannyń eńbek sińirgen qaıratkeri Nesipbek Aıtuly qazaqstandyqtardy saılaýda belsendilik tanytyp, senim bildiretin partııasyna daýys berýge shaqyrdy, dep habarlaıdy QazAqparat tilshisi.

«Búgingi saılaý – tarıhı saılaý. Bolyp jatqan saılaýdyń ótý barysy óte erekshe. Sebebi qazir álemde koronavırýs ınfektsııasy taralyp jatyr. Osyǵan qaramastan, Nur-Sultan qalasynyń ákimdigi saılaýdy barlyq mańyzdy erejelerdi basshylyqqa ala otyryp uıymdastyrǵan. Ár saılaý ýchaskesinde indetke qarsy sharalardyń qabyldanǵany qýantady.

Men búgin № 351 saılaý ýchaskesine baryp, óz tańdaýymdy jasadym. Osy saıası dodada jeńiske jetken depýttatar el múddesin bárinen bıik qoıyp, adal qyzmet etedi degen senimdemin.

Daýys berý - bizdiń azamattyq boryshymyz. Al kim qandaı partııany tańdaıdy, ol - árkimniń óz erkinde», - dedi Nesipbek Aıtuly.

Sonymen qatar «Parasat» ordeniniń ıegeri qazaqstandyqtardy saılaýda belsendilik tanytyp, senim bildiretin partııasyna daýys berýge shaqyrdy.