Nesipbek Aıtuly: Almaǵaıyp zamanda Prezıdentti saılap, irgeni bekitip otyrǵan durys

NUR-SULTAN. QazAqparat - Almaǵaıyp zamanda Prezıdentimizdi saılap, etek-jeńimizdi jınap, irgemizdi bekitip otyrǵanymyz durys. 9 maýsymda ótetin Prezıdent saılaýyna qatysty aqyn, Memlekettik syılyqtyń laýreaty, Qazaqstannyń eńbek sińirgen qaıratkeri Nesipbek Aıtuly osylaı deıdi, dep habarlaıdy QazAqparat tilshisi.

«Meniń oıymsha, bul - durys sheshim. Almaǵaıyp zamanda Prezıdentimizdi saılap, etek-jeńimizdi jınap, irgemizdi bekitip otyrǵanymyz durys dep oılaımyn. Óıtkeni, Elbasy ókilettigin toqtatqannan keıin halyqtyń kóńili alańdaýly. Ne bolady, kim keledi degen suraqtar joq emes. Sol sebepti, el aman, jurt tynyshta saılaý ótkizip, «bir jaǵadan bas, bir jeńnen qol» shyǵarý kerek», - deıdi Nesipbek Aıtuly.

Eske sala ketsek, aǵymdaǵy jyldyń 9 maýsymynda elimizde kezekten tys prezıdenttik saılaý ótedi. Bul týraly búgin respýblıkalyq telearnalardan Qazaqstan halqyna úndeý jarııalaǵan Memleket basshysy Qasym-Jomart Toqaev aıtty.

Memleket basshysy Qasym-Jomart Toqaevtyń respýblıkalyq telearnalar arqyly Qazaqstan halqyna joldaǵan úndeýiniń tolyq mátinin myna siltemeden oqýǵa bolady.