Nesıesin tóleý kezinde qıyndyqqa tap bolǵan BQO turǵyny ózin ólgender tiziminen tapqan

<p>ORAL. KAZINFORM &ndash; Jańaqala aýdanynyń turǵyny Gúlaına Aıtasova bankke nesıecin tóleý kezinde qıyndyqqa tap bolǵan. Bul týraly ol áleýmettik jelisindegi paraqshasynda jazdy.&nbsp;</p>

Jańaqala aýdany turǵynynyń sózinshe, bankke tólengen nesıe óz esepshotyna qaıta aýdarylǵan.   

«Nesıemdi aı saıyn tóleıtin edim. Aqsham qaıtyp kelgennen keıin qaıta tóledim. Esepshottan keri alynbaı tur. Operatorlarǵa habarlassam, «4 shilde kúni Astanadaǵy aýrýhanada qaıtys bolǵan dep shyǵyp tursyz. Endi AHAT-qa, memlekettik kirister basqarmasy, HQKO-ǵa baryńyz», - deıdi. Men tiri adammyn. Jalaqymdy alyp otyrmyn, kaspıim de ashyq. Aýrýhanaǵa barsam, onda da «qaıtys boldy» dep shyǵyp turǵanyn aıtty. Olar meni biletin bolǵan soń, kómektesip, dárilerimdi berdi. Qan qysymy boıynsha esepte turmyn. Zeınet jasyna jaqyndap kele jatyrmyn. Jınaǵym qalaı bolady, bárine alańdap otyrmyn», - deıdi G.Aıtasova.

«Azamattarǵa arnalǵan úkimet» memlekettik korporatsııasy» KEAQ BQO fılıalynan málim etkenindeı, azamattardyń ólimi týraly málimetti memlekettik derekter bazasyna QR Densaýlyq saqtaý mınıstrliginiń qyzmetkerleri engizedi. 

«Jańaqala aýdanynyń turǵynyna qaıtys bolǵany týraly habarlama berilýine baılanysty ýákiletti memlekettik organǵa habarlasýy qajet. Derekter bazasynda jeke sáıkestendirý nómirin naqtylaý úshin emhanaǵa júginý kerek», - dep habarlady vedomstvodan.