Nesıelerdi keshirý biz úshin úlken kómek - asyraýshysynan aıyrylǵan otbasy
«Nesıelerdi keshirý biz úshin úlken kómek. Asyraýshymyzdan aıyrylyp, ózim eki bala baǵyp otyrmyn. Qazir ekeýi de stýdent, jaqsy oqıdy. Balalarym úshin 1 mıllıon teńge nesıe alyp edim. Aı saıynǵy tólemim - 70 myń teńge. Ýaqytyly tóleý qıyn bolǵan soń óteý merzimin uzartyp, 41 myń teńgege eseptetip aldym. Bir qıyny, 1 mıllıon teńge alsań, taǵy 1 mıllıon teńge qosyp qaıtarasyń», - dedi aqtóbelik Lázzat Jumaǵalıeva.
Ol eden jýýshy bolyp jumys isteıdi, keıde páter jóndeý jumystaryn júrgizedi. Jarlyq týraly estigende birden aqtóbelik analarǵa habar berip, aqparatty taratyp jibergen.
«Aqtóbelik kópbalaly, muqtaj otbasylar bir-birimen habarlasyp, eldegi jańalyqpen bólisip otyrady. Taıaýda jumysta 5 myń teńge syıaqy berdi. Ortaq chatta analarymyzdyń biri «balalardyń jeıtin tamaǵy joq» dep jazyp, sol syıaqyǵa azyq-túlik satyp alyp, aparyp berdim. Jany qınalǵan adamdardy kórsem ózim qınalamyn. Sondyqtan nesıeni keshirý úlken kómek», - dedi Lázzat Jumaǵalıeva.
Eske salsaq, keshe Memleket basshysy kópbalaly, asyraýshysynan aıyrylǵan otbasylar men jetim, ata-ana qamqorlyǵynsyz qalǵandardyń, ataýly áleýmettik kómek alatyndardyń jáne múgedek bala asyrap otyrǵandardyń nesıesin keshirý týraly Jarlyq shyǵardy. https://kaz.inform.kz/news/kansha-kazakstandyktyn-nesiesi-oteledi-prezident-zharlygyna-tusinikteme-berildi_a3542273